Kơiăng khua knŭk kna mñă klă leh Asăp hưn mthâo mơ̆ng Knŭk kna Việt Nam kơ klei gĭr mlih mrâo ktang phĭt klei mĭn, čih mkra bi leh klei bhiăn hlăm bruă duh mkra, kđi čar, dhar kreh, ala ƀuôn, wăl hdĭp mda, krŭ wĭt djăp klei găl mâo lehanăn mnuih mă bruă, mjing boh kdrŭt mrâo kơ hdră đĭ kyar pral, hơĭt kjăp mơ̆ng ala čar, hluê ngă mta kñăm ba ala čar drei đĭ kyar hĭn hlăm ênuk gưl mrâo.

Việt Nam krơ̆ng kjăp hdră êlan hŏng tač êngao klah hjăn, ngă phŭn mil pô, lu jơr, lu tĭng; jing ƀĭng găp, ƀĭng hgŭm đăo knang, jing ala čar mâo klei đua klam hŏng êpul êya tar rŏng lăn. Kơiăng khua knŭk kna iêu mthưr dŭm anôk bruă duh mkra, phung duh bi liê UAE, Msăt boh lăn lehanăn dŭm ala čar duh bi liê hlăm dŭm bruă mâo klei mđing mơ̆ng Việt Nam ară anei msĕ si bi mlih mtah, bi mlih mrô, hdră mlih mrâo, kdrăp mrâo, AI, bán dẫn, bruă pui kmlă doh./.