Hlăm knăm bi mni kơ phung myơr êrah êdah êdi thŭn 2024, Êpul gĭt gai mtrŭt mjhar klei myơr êrah čar Kon Tum bi mni leh kơ 349 čô, gŏ sang, êpul êya myơr êrah êdah êdi.

Hŏng klei hưn “Myơr êrah dŏng mnuih – sa bruă ngă jăk siam”, hdră myơr êrah ti čar Kon Tum hlăm dŭm thŭn giăm anei mâo klei đĭ kyar kơ hnơ̆ng êrah leh anăn ênoh mnuih nao myơr êrah. Mơ̆ng thŭn 2023 truh kơ ară anei čar mkŏ mjing leh 57 gưl myơr êrah, tŭ mă mâo giăm 9.800 hnơ̆ng êrah, êgao hnơ̆ng kčah jao.