Klă klơ̆ng 3 knơ̆ng kdơ̆ng êa anei mâo: Hdră êlan mkra wĭt bi jăk knơ̆ng kdơ̆ng êa Đăk Tua, Đăk Leng ti să Hiếu leh anăn wăl krah Măng Đen, Hdră êlan mkra wĭt bi jăk knơ̆ng kdơ̆ng êa Ka Well ti să Đăk Ƀla, ƀuôn prŏng Kon Tum leh anăn hdră mkra wĭt bi jăk knơ̆ng êa Đăk Grăp ti să Sa Loong, kdriêk Ngọc Hồi.

Kluôm ênôh duh bi liê mkra wĭt 23 knơ̆ng êa anei jing 3 êklai prăk mơ̆ng ngăn prăk gưl dlông đru mgaih msir boh jhat mơ̆ng klei truh yan adiê 10 mlan akŏ thŭn 2022. Êlâo kơnăn, hlăk knhal jih mlan 3/2023, bruă sang čư êa čar Kon Tum bi klă mkăp brei 30 êklai prăk mơ̆ng ngăn prăk gưl dlông đru mgaih msir boh jhat mơ̆ng klei truh yan adiê čiăng mkra bi jăk, mđĭ hnơ̆ng đa đa knơ̆ng kdơ̆ng êa.