Hlăm mmông blŭ hrăm, mnuih ƀuôn sang bi êdah klei đăo knang ti gŭ klei gĭt gai mơ̆ng khua kiă kriê čar Lâm Đồng hlăm wưng alŭ wăl tuôm hŏng lu klei dleh dlan, klei lông dlăng. Mbĭt anăn hmăng hmưi čar Lâm Đồng mđing mđĭ kyar klei găl mâo hlăm bruă hiu čhưn ênguê leh anăn bruă lŏ hma, mtrŭt mđĭ klei mlih mrô, bruă duh mkra mrô, kñăm kơ êlan klông, boh nik jing dŭm hdră mkra êlan dơ̆ng pral msĕ si Tân Phú - Bảo Lộc, Bảo Lộc - Liên Khương leh anăn Đà Lạt - Nha Trang čiăng găl hlăm bruă mkŏ krĭng, mtrŭt mđĭ klei đĭ kyar bruă duh mkra ala ƀuôn.

Blŭ bi klă hlăm klei blŭ hrăm, Nguyễn Thái Học, khua bruă Đảng čar jing êjai čar Lâm Đồng mñă klă, khua kiă kriê čar Lâm Đồng mđing hmư̆ dŭm klei bi êdah, klei đru mguôp mơ̆ng phung bi ala dŭm gưl mnuih ƀuôn sang. Mbĭt anăn ƀuăn srăng mđing ruh mgaih klei dleh dlan, kpăk gun anei čiăng mtrŭt  mđĭ Lâm Đồng mđĭ kyar kluôm dhuôm, hơĭt kjăp.