Leh giăm 7 mlan thŭn 2025, klei brei čan duh bi liê bruă knŭk kna mơ̆ng čar Lâm Đồng knŏng mâo êbeh 27%. Thŭn 2025 ênoh brei čan duh bi liê bruă knŭk kna, mâo wăt thŭn 2024 mơ̆ng čar Lâm Đồng jing êbeh 18.900 êklai prăp. Yap truh krah mlan 7, čar knŏng mrâo brei čan êbeh 4.380 êklai prăk, mâo êbeh 27%.

Hluê si bruă sang čư̆ êa čar Lâm Đồng, phŭn ahga kyua dŭm hdră yua ngăn prăk duh bi liê bruă knŭk kna ti 3 alŭ wăl, mâo čar Dak Nông, Bình Thuận leh anăn Lâm Đồng hdăp bi kpăk hŏng klei ruh mgaih anôk ala, boh nik jing dŭm hdră ba yua lu ngăn prăk duh bi liê. Hồ Văn Mười, khua bruă sang čư̆ êa čar Lâm Đồng brei thâo, čar Lâm Đồng dôk ngă ktang phĭt lu hdră êlan čiăng mtrŭt bi pral klei brei čan duh bi liê bruă knŭk kna, hlăm anăn kñăm kơ bruă ruh mgaih anôk ala.