Ară anei  čar Lâm Đồng mâo 93 ƀuôn hgŭm ka mâo ôh pô thơ̆ng kơ bruă hưn mthâo mrâo mrang, 60 alŭ wăl kƀah mnuih mă bruă hlăm bruă ngăn dŏ leh anăn wăl hdĭp mda, 33 ƀuôn hgŭm kƀah pô klam bruă mkŏ mkra, leh anăn lu anôk ăt dôk kƀah mnuih mă bruă hlăm bruă hdră bhiăn, tĭng mkă, kriê dlăng lăn ala…

Năng mđing hĭn, đa đa alŭ wăl truh kơ ară anei ka mâo ênŭm phung khua gĭt gai kmeh gơ̆ng, hmăi kơ klei ngă bruă knŭk kna ti nah gŭ. Hluê si Hồ Văn Mười – khua bruă sang čư̆ êa čar Lâm Đồng, klei kƀah mnuih mă bruă thơ̆ng ti dŭm ƀuôn hgŭm jing leh boh klei mjêč, tơdah amâo mâo hmao mgaih msir srăng ngă truh klei kpăk hlăm bruă kriê dlăng mơ̆ng knŭk kna, bi êmưt klei ngă hră mơar leh anăn bi hrŏ klei đăo knang mơ̆ng mnuih ƀuôn sang, knơ̆ng bruă hŏng bruă knŭk kna.