Tuê hiu čhưn ênguê truh hŏng čar Daklak hlăm wưng mdei Tết Nguyên đán Ất Tỵ thŭn anei đĭ 1,3 blư̆ mkă hŏng wưng anei thŭn dih, mâo ba wĭt ngă prăk truh 60 êklai prăk, Kluôm čar mâo drông truh 180 êbâo gưl čô tuê hiu čhưn, đĭ truh 24% mkă hŏng wưng anei thŭn dih, hlăm anăn 98% lu jing tue hlăm ala čar. Hlăm dŭm anôk jing knhuah gru dhar kreh, hƀuê ênuk jing dŭm anôk lu phung tue truh hĭn. Msĕ si ti sang dăp pioh ngăn drăp čar Daklak, mâo drông leh truh 280 êpul hiu čhưn hŏng ênoh dŭm êbâo čô tue.

Ti dŭm alŭ wăl lăn mnga êa siam, anôk dhar kreh hlăk mbul mâo dŭm bĭt ênao, drai êa ăt jing anôk lu phung tue hiu čhưn dhing, dlăng dŭm klei hlăp jăk mơak, klei găn hiu hlăm dŭm êlan huĭ hyưt, bi lông mtiŏ mran, găn drai. Čiăng rơ̆ng dưi mâo klei êđăp ênang kơ tue hiu čhưn, jih jang kdrăp yua, mnơ̆ng đru dŏng mâo mprăp leh mơ̆ng êlâo kơ hrue Tết Nguyên đán. Hlue ngă djŏ dŭm mta mtrŭn kơ klei čih hưn, mƀlir ênoh, lehanăn dŭm mta klei bi mnia mblei, rơ̆ng dưi mâo klei êđăp ênang, lehanăn bi mdoh wăl riêng gah./.

Tlam 2/2, Anôk bruă sang čư̆ êa čar Lâm Đồng hưn, wưng Têt Djuê ana Ất Tỵ anei, tuê truh ti Lâm Đồng hiu čhưn, mdei săn đĭ giăm 36% mkă hŏng thŭn êlâo. Kluôm čar drông leh hlăm brô 380 êbâo čô tuê hiu čhưn, mdei săn, đĭ giăm 36% mkă hŏng Têt thŭn êlâo. Hlăm anăn, tuê ala tač êngao mâo hlăm brô 27 êbâo čô, đĭ 35%, tuê dôk đih đăm mâo 270 êbâo čô, đĭ giăm 70% mkă hŏng thŭn êlâo. Hnơ̆ng tuê hriê čhưn lu mơ̆ng hruê 2 truh kơ hruê 4 Têt. Năng mđing, tuê truh ti Lâm Đồng đĭ ƀiădah tuê hiu čhưn hlăm ƀp Đà Lạt hrŏ. Ƀp knŏng mâo drông êbeh 100 êbâô čô tuê, hrŏ êbeh 33 êbâo čô tuê mkă hŏng wưng Têt djuê ana thŭn êlâo. Hlăm wưng Têt djuê ana 2025, êpul djŏ tuôm čar Lâm Đồng ngă leh hră mơar bi kmhal êbeh 1 êbâo čô ngă soh hŏng hdră bhiăn êlan klông./.