Lĭng kahan răng mgang knông lăn čar Gia Lai (êlâo adih jing Êpul kahan djă phao ktuang) dưi mkŏ mjing mơ̆ng thŭn 1965, hŏng klei đru mơ̆ng dŭm čar nah Dưr. Hlăm hdră kdơ̆ng mblah, êpul nao leh hlăm dŭm êtuh hdră mblah, bi rai lehanăn mă kơ̆ng dŭm êtuh čô kahan roh, đru mtlaih êngiê kwar Dhŭng, hluh lir lăn čar.

Leh thŭn 1975, Lĭng kahan răng mgang knông lăn čar Gia Lai lŏ dơ̆ng ngă bruă klam răng mgang knông lăn, boh nik hlăm hdră bi kdơ̆ng hŏng êpul Khmer Hrah. Ară anei, êpul dôk kriê dlăng êbeh 80 km êlan knông lăn siă čar Rattanakiri (Campuchia), bi leh jăk bruă klam răng mgang knông lăn êjai, đru kơ mnuih ƀuôn sang mđĭ kyar bruă duh mkra – ala ƀuôn êjai hŏng dŭm hdră msĕ si: Đru kơ adei nao sang hră, Sang hơuh mđao kơ mnuih ƀun krĭng knông lăn, Êmô mjeh kơ mnuih ƀun.Hŏng lu boh tŭ êdah êdi, Knơ̆ng gĭt gai lĭng kahan čar Gia Lai mâo leh Khua lăn čar mđup brei Medai răng mgang ala čar mrô Dua, Khua anôk bruă sang čư̆ êa čar Gia Lai ăt jao hră pah mni kơ 6 êpul, 9 čô mnuih êdah kdlưn.