Ti anôk drông, Khua anôk bruă kiă kriê klei hâo hưn lehanăn đru čung ba mnuih ƀuôn sang gưl dlông Trịnh Văn Quyết bi trông leh hŏng khua bi ala Rogelio Polanco Fuentes kơ klei hgŭm plah wah dua Đảng hlăm bruă klei mĭn, klei mjuăt bi hriăm, klei čih mkra, lehanăn mđĭ hĭn klei bi hgŭm hlue ngă klei leh bi tŭ ư plah wah anôk bruă kiă kriê klei hâo hưn lehanăn đru čung ba mnuih ƀuôn sang gưl dlông, mbĭt hŏng anôk bruă kiă kriê klei mĭn gưl dlông Cuba, hlăm anăn mkŏ mjing klei bi trông truăn kơ bruă hlăm thŭn 2026.

Ƀri wưng anei, Trịnh Văn Quyết mñă Đảng, Knŭk kna lehanăn mnuih ƀuôn sang  Việt Nam ktuê ksiêm lehanăn sa ai nanao mbĭt hŏng Đảng, Knŭk kna lehanăn mnuih ƀuôn sang Cuba; bi êdah klei đăo knang hŏng Đảng Cộng sản Cuba, hŏng klei mĭn kjăp bruă kđi čar, klei mưng, klei thâo mơ̆ng bruă cách mạng, amâo mâo mdei bi kjăp klei thâo bi mguôp hlăm kluôm Đảng, jih jang mnuih ƀuôn sang, mâo dŭm hdră djŏ guôp hĭn čiăng dưi găn jih klei lông dlăng, bi kjăp mta kñăm mơ̆ng cách mạng.