Tui si klei bi tŭ ư hgŭm bruă plah wah dŭm boh car ti Lăn Dap kngư hŏng ƀuôn prŏng Hồ Chí Minh, hrue mbrue, ti ƀuôn prŏng Kon Tum, knơ̆ng bruă sang čư̆ êa Kon Tum lehanăn êpul kiă kriê anôk duh mkra mnia mblei kdrăp mrâo mrang ƀuôn prŏng  Hồ Chí Minh hgŭm mkŏ mjing klei bi trông klei kreh knhâo kơ bruă bi mlih mrô, klei găl kơ bruă mkŏ bruă kdrăp mrâo plah wah lăn dap kngư hŏng ƀuôn prŏng Hồ Chí Minh. Nao ti anôk trông čhai anei mâo 150 čô phung bi ala.

Jih jang bruă bi trông jing mta mrâo, tuôm hŏng lu klei lông dlăng, klei djă yua kdrăp mrâo boh nik hŏng mnuih ƀuôn sang. Hlue ngă bruă anei, anăp ba klei găl prŏng kơ dŭm čar ti lăn dap kngư mâo klei đĭ kyar đuĕ nao hlăm klei kjăp hĭn. Phung ngă bruă kiă kriê, phung truăn kơ bruă, phung kreh knhâo, phung duh mkra lehanăn mnuih ngă lŏ hma bi trông čhai kơ bruă ba yua klei kreh knhâo hlăm bruă knuă, klei bi hgŭm plah wah lăn dap kngư hŏng ƀuôn prŏng Hồ Chí Minh. 9 mta klei mâo bi trông tinăn, lehanăn mâo 24 klei čih mơĭt ba bi trông, jih jang phung nao ti anôk trông čhai anei bi ksiêm dlăng hlak mblang kơ klei bi mlih mrô hlăm bruă lŏ hma, mđĭ kyar kjăp ti dŭm car lăn dap kngư, lehanăn ƀuôn prŏng  Hồ Chí Minh; hưn mdah kơ klei ba yua kdrăp mrâo hlăm bruă lŏ hma./.