Leh giăm sa thŭn pŏk ngă, hră klei mrâo iêô jak êbeh 250 klei bi lông mơ̆ng lu anôk bruă klei mrâo hlăm kluôm ala. Dŭm klei ƀi lông lač klă sĭt kơ hdră mlih mrâo, giăm mnuih ƀuôn sang hlăm bruă kriê dlăng, đru mkŏ mjing bruă knŭk kna, bi êdah klă bruă klam gak răng mơ̆ng Phŭn bruă ngăn prăk hlăm klei bi leh klei bhiăn leh anăn mkŏ mjing ala ƀuôn mpŭ kơ hdră bhiăn.

Anôk bruă mkŏ mjing ruah leh 18 klei bi lông hlăm klei bi lông knhal tuč, hlăm anăn mđup brei 2 Klei pah mni  A, 2 Klei pah mni  B, 4 Klei pah mni C leh anăn 10 Klei pah mni mđĭ ai kơ hră klei mrâo kđăm mkra leh anăn hră klei mrâo điện tử. Boh tŭ Klei pah mni  mjing klei kruăk knăl yuôm bhăn, đru lar bra ênoh yuôm, bi mklă bruă klam, kơhưm bruă čih mkra Hdră bhiăn hlăm wưng mrâo.