Wưng 2025-2030, Bruă Đảng kahan ksiêm čar Gia Lai bi mklă lŏ dơ̆ng păn kjăp hdră êlan mơ̆ng Đảng, bruă Đảng kahan ksiêm gưl dlông; lŏ dơ̆ng mđĭ lar bruă klam phŭn hlăm bruă rơ̆ng êđăp ênang, ngă tŭ dưn bruă klam mđĭ kyar bruă duh mkra- ala ƀuôn mơ̆ng alŭ wăl; hlue ngă tŭ dưn 4 Hdră mtrŭn mơ̆ng Phŭn bruă kđi čar leh anăn mđĭ ktang mkŏ mjing êpul kahan ksiêm yang ƀuôn klă sĭt kjăp ktang, knhăk, mrâo mrang, ngă djŏ klei čiăng, bruă klam hlăm boh klei mrâo.

Klei bi kƀĭn hưn mdah leh Hdră mtrŭn mơ̆ng Anôk dlăng bruă Đảng čar Gia Lai kơ bruă bi mklă Anôk dlăng bruă Đảng kahan ksiêmm čar mâo 23 čô, Anôk dlăng bruă Đảng kahan ksiêm čar mâo 7 čô, jao kơ Thiếu tướng Lê Quang Nhân, Khua kahan ksiêm čar Gia Lai ngă Khua dlăng bruă Đảng kahan ksiêm čar Gia Lai, wưng 2025 - 2030.