Bruă anei mâo knơ̆ng bruă kiă kriê kahan knông lăn čar Kon Tum hgŭm hŏng bruă sang čư̆ êa, mbĭt hŏng dŭm êpul êya ti alŭ wăl mkŏ mjing, ba leh Tết truh hnưm hŏng mnuih ƀuôn sang ti knông lăn. Mơ̆ng aguah ưm mâo leh lu mnuih ƀuôn sang hriê mơ̆ng 11 boh ƀuôn hlăm să Ia Đal truh ti anôk mkŏ mjing. Ti anei mnuih ƀuôn sang mâo hgŭm ngă hlăm lu mta bruă hơ̆k mơak Tết, mâo klei bi lông đŭng điŏ, bi lông bhĭr còn, ktŭng klei, trŭt hlâo...

Dŭm gŏ sang dôk hlăm klei dleh dlan mâo knuă druh kahan răng mgang knông lăn ktrâo atăt nao hlăm anôk ruah mnơ̆ng čhĭ mnia amâo mâo liê prăk ôh, čiăng bi ruah čhum ao mrâo, mă braih, êa prăi, êa msĭn, kpŭng bi ƀăt. Hlăm hdră mkŏ mjing, kahan răng mgang knông lăn lehanăn bruă sang čư̆ êa alŭ wăl mđup brei leh 400 pŏk hla čhiăm gru, êbeh 250 hnư mnơ̆ng, 400 hlâo klŏ điŏ, mđup brei prăk đru hriăm hră mơar kơ 9 čô hđeh dô hlăm hdră đru adei nao sang hră, lehanăn klei bi hmô anak rông kahan răng mgang knông lăn, mđup brei êmô ana mđai kơ 2 gŏ sang ƀun pioh rông... hŏng ênoh jih jang êbeh 350 êklaek prăk.