Mkŏ mjing mơ̆ng ară anei truh kơ jih hruê 19/8 ti anăp, klei bi lông mâo 340 čô bi lông mơ̆ng 14 êpul êya dŭm čar, ƀuôn prŏng hlăm kluôm ala nao hgŭm. Phung bi lông srăng bi lông ti 36 mta bi lông mdê mdê kơ êkei, mniê lehanăn bi hgŭm mbĭt hlăm 2 klei bi lông ktŭng klei hlăm lam sang lehanăn ti êngao, hluê hdră bi lông klă anăp.

Leh knăm mphŭn pŏk, dŭm êpul bi lông leh hdră bi lông 600 kg êkei, 400 kg mniê lehanăn 370 kg êkei – mniê bi hgŭm mbĭt, bi lông hlăm lam sang. Thŭn anei, klei bi lông dưi mkŏ mjing ti Dak Lak mđing truh knăm bi hdơr 80 thŭn hruê mkŏ mjing ala čar Việt Nam yang ƀuôn ngă phŭn, kkuh mơak Klei bi lông bruă Đảng čar Dak Lak tal 18 lehanăn mđing truh hdră mtrŭt mjhar Jih jang mnuih ƀuôn sang mjuăt ktang asei mlei hluê gru mngač Awa Hô prŏng kdrưh”./.