Tlam 16-7, K’iăng Khua knŭk kna Trần Hồng Hà gĭt gai klei bi kƀĭn sa anôk mguôp online hŏng 22 čar, ƀuôn prŏng čiăng hmư̆ klei hâo hưn kơ klei kčĕ mbŏ hdră bhiăn mkra mlih, mbŏ dŭm mta klei mơ̆ng dŭm Hdră bhiăn hlăm bruă lŏ hma leh anăn wăl hdĭp mda hlăm Hdră čih mkra hdră bhiăn thŭn 2025 mơ̆ng Bruă kƀĭn ala gưl 15.

Hră čih Hdră bhiăn mkra mlih, mbŏ dŭm mta mơ̆ng 16 Hdră bhiăn hlăm bruă lŏ hma leh anăn wăl hdĭp mda, mâo tlâo êpul phŭn: mkra mlih, mbŏ čiăng dăp êpul mă bruă, knŭk kna alŭ wăl dua gưl leh anăn mbha klei dưi, mbha gưl; bi ênưih hră mơar, khăt bi hrŏ klei găl bi liê mnia blei leh anăn msir mtam bruă mjêč, gun kpăk, amâo jăk mâo mơ̆ng boh sĭt. Klah čŭn klei bi kƀĭn, K’iăng Khua knŭk kna Trần Hồng Hà mtă kơ Phŭn bruă lŏ hma leh anăn Wăl hdĭp mda čih djăp ênŭm klei blŭ mguôp mơ̆ng dŭm alŭ wăl, phŭn dhar bruă, mjêč bi leh boh phŭn hră čih Hdră bhiăn. Êngao kơ êpul boh phŭn ba hlăm hră čih Hdră bhiăn, K’iăng Khua knŭk kna mtă mprăp hră čih Hdră mtrŭn mơ̆ng Knŭk kna kñăm ruh mgaih klei dleh dlan, gun kpăk mjêč hlăm bruă lŏ hma, wăl hdĭp mda./.