Êpul êdam êra hgŭm mdơ̆ng gơ̆ng hla čhiăm gru, bi msiam leh anăn kih mdoh ti dŭm anôk mplĕ hră  ti sang êpul êya, sang kƀĭn alŭ, ƀuôn.

Hlăm lam dŭm anôk mplĕ hră, phung êdam êra đru mbha mta, kđăm hră leh anăn dăp hră ruah khua. Hlăm lu ktuê êlan, dŭm “êlan mâo hla čhiăm gru čar kwar” mjing ai êwa hơ̆k mơak mđing kơ hruê ruah khua. Bruă hâo hưn kơ klei ruah khua mâo pŏk ngă lar ƀar hlăm djăp ƀuôn sang čar Dak Lak.

Mơ̆ng wăl ƀuôn prŏng truh kơ dŭm ktuê êlan krĭng ƀuôn sang, ao mtah êdam êra mâo nanao hlăm dŭm bruă hiu hâo hưn. Ti đa đa alŭ wăl krĭng ƀuôn sang, mnuih ƀuôn sang khăng nao pưk hma wĭt êla, êpul êdam êra mkŏ mjing hiu hâo hưn hlăm mmông mmăt čiăng kơ mnuih ƀuôn sang ênưih hmư̆ klei hâo hưn.