Si hdră êlan srăng ngă čiăng rơ̆ng kơ knơ̆ng bruă čiăng kiă kriê, ba yua tŭ dưn ngăn prăk knŭk kna, amâo ngă klei luč liê mang jing boh klei mâo phung bi ala uêñ mĭn. Hdră bhiăn kriê dlăng leh anăn duh bi liê ngăn prăk knŭk kna hlăm knơ̆ng bruă mñă ktang hdră bhiăn: knŭk kna jing sa pô duh bi liê ngăn prăk kơ knơ̆ng bruă, amâo mâo čhuak hlăm bruă knŭk kna hlăm bruă kriê dlăng mơ̆ng knơ̆ng bruă, rơ̆ng kơ dŭm klei dưi mơ̆ng phung duh bi liê, đru mguôp ngăn prăk.

Hdră bhiăn dưi mkra mjing čiăng mđĭ hnơ̆ng kriê dlăng ngăn prăk mơ̆ng knŭk kna leh anăn mkŏ mjing tur knơ̆ng hdră bhiăn kjăp čiăng kơ knơ̆ng bruă ngă bruă hlăm anôk mnia mblei, bi ktưn mtăp mđơr, leh anăn đĭ kyar hơĭt kjăp, đru mguôp yuôm bhăn hlăm bruă hluê ngă mta kñăm mơ̆ng lăn čar wưng thŭn 2021 – 2030.