Hruê mbruê 8/12, Êpul khua bruă Đảng čar Quảng Ngãi mkŏ mjing klei kƀĭn trông gưl tal 2, ngă bruă ksiêm wĭt boh sĭt ngă bruă klam thŭn 2025, bi klă bruă klam phŭn thŭn 2026 leh anăn bi trông, bi klă dŭm bruă yuôm bhăn hlăm klei dưi.

Thŭn 2025, čar Quảng Ngãi ngă mjêč bruă mkŏ dăp anôk bruă Knŭk kna, mkŏ mjing klei ngă bruă leh anăn ngă gru hmô Bruă sang čư̆ êa alŭ wăl 2 gưl leh anăn Klei kƀĭn phung bi ala bruă Đảng čar gưl tal I, wưng thŭn 2025 - 2030. Thŭn 2025, kluôm mnơ̆ng dhơ̆ng ti alŭ wăl čar đăo rĭng mâo êbeh 92 êbâo êklai prăk, đĭ êbeh 10%, ba anăp krĭng Dhŭng kwar krah leh anăn Lăn Dap Kngư, dôk tal 6/34 čar, ƀuôn prŏng hlăm lăn čar. Čar ngă jăk bruă bi hơĭt klei hdĭp yang ƀuôn, bi leh bruă msir lăm sang dôk êjai, sang tĭ rưč, bruă bi hrŏ ƀun mâo lu boh tŭ dưn jăk, bruă lĭng kahan, klei êđăp ênang dưi krơ̆ng kjăp, klei êđăp ênang bruă kđi čar, klei êđăp ênang yang ƀuôn dưi rơ̆ng kjăp.