Hluê si Hdră mtrŭn mrô 1193 mơ̆ng Dhar bruă gĭt gai Anôk bruă kƀĭn ala kơ hdră mkŏ dăp, bi khuăt anôk bruă gưl să mơ̆ng čar Dak Lak wưng thŭn 2023 – 2025, wăl krah Ƀuôn Hô, čar Dak Lak mâo leh lu klei bi mlih, bi mŭt êbeh 30km2 ênhă lăn lehanăn giăm 3.500 čô mnuih mơ̆ng să Êa Blang hlăm 2 să Êa Siên lehanăn Êa Drông.

Čiăng đru kơ mnuih ƀuôn sang ngă hră mơar leh bi mŭt mbĭt dŭm să, anôk bruă djŏ tuôm nao leh ti dŭm să hluê ngă hdră bi mlih hră kak asei lehanăn mkăp Hră dưi djă yua lăn; hlăm anăn lu jing bi mlih anôk lăn, anôk dôk mơ̆ng mnuih ƀuôn sang. Bi hrô hŏng bruă nao ba hră mơar ti anôk bruă sa ƀăng bhă mơ̆ng wăl krah, mnuih ƀuôn sang knŏng nao ba hră mơar lehanăn dôk guôn ba wĭt boh tŭ klei ngă hră mơar ti Sang dhar kreh să Êa Drông. Hdră anei đru mđĭ leh hnơ̆ng tŭ jăk bruă ngă hră mơar lehanăn bruă knŭk kna, mđĭ lar tuič hnơ̆ng boh tŭ dưn bruă msir mghaih hră mơar knŭk kna, mjing klei găl kơ mnuih ƀuôn sang. Tĭng, hlăm sa hruê kăm, hdră mkra, mkăp mrâo hră mơar srăng dưi ngă leh./.