VOV4.Êđê - Truh kơ ară anei ăt adôk truh 7 êklăk 600 êbâo aruăt tlŏ vaccine Covid 19 hlăm êpul lĭng kahan lehanăn phung ƀuôn sang ka mâo bi mŭt ôh hlăm kdrăp kriê pioh hră mơar, anăp truh kơ bruă mkăp hră hộ chiếu vaccine, lehanăn bruă čiăng bi mlih mrô hlăm gưl ala čar. Anăn yơh jing klei bơ̆k bâo ti anôk bi kƀĭn online kluôm ala kơ bruă bi ênŭm ênoh čih yap kơ bruă tlŏ vaccine gang mkhư̆ klei ruă tưp Covid 19, mâo Phŭn bruă mdrao mgŭn bi mguôp hŏng Phŭn bruă kahan ksiêm ngă bi mngač, čih pioh gưl ala čar kơ ênoh mnuih, dŏ mkă čiăng thâo ênŭm kơ mnuih tlŏ mgang leh hĕ amâodah ka, lehanăn kơ jih jang bruă mkăn pioh bi mlih mrô. Phŭn bruă mdrao mgŭn brei thâo, anăp truh kơ klei lăm lui bruă hưn mthâo kơ klei suaih pral hlăm ala čar, kyuadah ară anei amâo lŏ ngă ôh bruă tui duah F0, F1. Siămdah, ăt adôk djă pioh klei hưn mthâo kơ klei suaih pral hŏng mnuih mơ̆ng ala tač êngao mŭt hlăm lăn čar Việt Nam./.

Y-Khem pô mblang