Hlăm lu thŭn êgao, phung hđeh hriăm hră anôk bruă Hy Vọng ti sang mrô 82/198, êlan mrô 290 Kim Mã Ba Đình, Hà Nội mưng leh ƀuh aê mdrao Đỗ Thúy Nga truh kơ anôk bruă anei mơ̆ng 8h aguah knăm sa, knăm 3, knăm 5 grăp hrue kăm čiăng mtô bi hriăm kơ phung hđeh amâo mâo jăk asei mlei. Anôk mjuăt bi hriăm hđeh Hy vọng pŏk ƀăng mơ̆ng 7h30 mnĭt grăp aguah ară anei mâo 53 čô hđeh mơ̆ng 36 mlan hlŏng truh 16 thŭn mâo klei amâo mâo jăk klei mĭn. Mâo 12 čô nai nao mtô hlăm 4 boh adŭ, mbĭt anăn ktrâo atăt phung hđeh hriăm bruă, lehanăn phung ba anăp nao hlăm klei đru čung ba hriê mơ̆ng ala tač êngao.

Đỗ Thuý Nga jing gưl phung aê mdrao tal êlâo nao mă bruă ti sang êa drao kdriêk Thạch Thất jing pô kiă kriê bruă anôk mdrao hđeh, lehăn wĭt mă bruă kơ anei kñăm dlăng kriê phung hđeh, Adŭ bruă mjuăt bi hriăm kdriêk čar Ba Đình. Thŭn 1998, leh jih thŭn wĭt mdei ñu lehanăn găp djuê mâo sa klei čoh čuăn pŏk anôk rông ba anei: 

Êjai hlăm wưng dôk mă bruă ti sang êa drao snăn mâo lu snăk phung hđeh mâo klei ruă hlăm kŏ dlô, ba hriê lu klei amâo mâo kơ klei mĭn phung hđeh ngă kơ digơ̆ amâo lŏ kjăp msĕ hŏng hđeh suaih pral mkăn ôh. Kâo bi ƀuh, msĕ si ka bi leh ôh bruă čuăn pô jing sa čô nai êa drao, kyuanăn yơh kâo dôk mâo nanao klei mĭn leh jih thŭn wĭt mdei srăng pŏk sa anôk truăn đru ba phung hđeh amâo mâo jăk asei mlei. Snăn mâo anak mniê brei mañ anôk anei, lehanăn čhĭ sang dôk ti Thành Công pioh mâo prăk rŭ mdơ̆ng anôk anei”.

Thŭn 2002, Anôk bruă Hy Vọng mâo mkŏ mjing, Đỗ Thuý Nga bi lar hlăm hră klei mrâo čiăng hrŏng ruah hđeh hriăm hră, lehanăn nai mtô mơ̆ng anăn rŭ mjing anôk anei dưi mă bruă. Amâo mâo djŏ knŏng mtô bi hriăm ôh, ƀiădah anôk bruă anei jing anôk lŏ rông ba duh mĭn wăt kơ mnơ̆ng ƀơ̆ng huă, lehanăn klei dih mdei kơ phung hđeh hriăm.

Hŏng 53 čô hđeh amâo mâo jăk asei mlei hlăk dôk tui hriăm jih hrue hŏng ênoh bi liê mơ̆ng 2,5 truh 5 êklăk prăk sa čô hđeh. Aê mdrao Đỗ Thuý Nga lač: Hŏng ênoh dưi mâo msĕ snăn, anôk bruă anei mâo mkă tĭng leh kơ ênoh hrui lehanăn bi liê, lehanăn lŏ tŭ mă ênoh bi đru pioh ngă bruă: 

Klei kâo dôk rŭng hĭn êdi jing čiăng mâo mđĭ ênoh prăk mlan kơ phung nai mtô, kơ mnuih ngă bruă, bi tơdah hrui prăk tăk mưn bi hriăm anei yuôm, snăn lu gŏ sang dôk hlăm klei dleh dlan amâo mâo dưi tla ôh, knŏng hŏng hdră bi êdah klă ênoh bi liê kơ bruă knuă, pô amâo mâo djă prăk jao ôh kơ knuă druh ngă jih djăp mta bruă, čiăng kơ knhal tuič bi tĭng tla, sitôhmô bi liê hơĭt leh hlăm grăp mlan dah êbeh ƀiă snăn hlei amĭ ama kƀah snăn đru bi hrŏ brei kơ digơ̆”.

Leh 22 thŭn mkŏ mjing truh kơ ară anei, anôk bruă Hy Vọng mâo mtô lehanăn đru mdrao mgŭn kơ giăm 400 čô hđeh amâo mâo jăk asei mlei, hđeh amâo mâo jăk klei mĭn. Mâo leh lu hđeh dơ̆ng suaih, dơ̆ng djĕ giăm hŏng mnuih riêng gah. Hŏng dŭm bruă đru mbĭt hŏng yang ƀuôn, aê mdrao Đỗ Thuý Nga mâo tŭ mă leh anăn knăl “mniê ƀuôn prŏng phŭn kdlưn hĭn thŭn 2022”. Hŏng klei hur har jih ai tiê pô, ñu dưi mâo leh klei khăp mpŭ mơ̆ng mah jiăng, ƀĭng mă bruă mbĭt. Lê Thị Thu, 72 thŭn, nai tuôm mă leh bruă truh 20 thŭn ti anôk bruă Hy Vọng brei thâo:     

Leh bi tuôm hŏng ñu hlăm anôk bruă mrâo, snăn ñu ƀuh tal êlâo   jing ai tiê klei khăp ñu, ñu jing sa čô mnuih bŏ hŏng klei thâo khăp. Ƀuh phung hđeh bhañ snăn ñu nao mkă dlăng mtam, lehanăn brei êa drao mnăm. Hŏng ai tiê ñu mă bruă snăn, ñu bi mĭn ya bruă dưi ngă kơ hđeh ngă mtam yơh jih ai tiê pô”.

Hŏng jih jang klei thâo săng hlăm bruă mdrao mgŭn aê mdrao Đỗ Thuý Nga ktuh êyuh jih ai tiê pô hŏng anôk bruă Hy Vọng. Jing anôk ñu kuč mngač leh klei mơak, klei jăk yâo, klei čang hmăng hŏng dŭm gŏ sang lehanăn phung hđeh amâo mâo jăk asei mlei ti Anôk bruă Hy Vọng.