-Mdjiê kman hŏng êa drao kreh yua msĕ si giêt kchit rao lu mta amâodah tuh êa drao rao sang tlô mâo hlăm brô 5% Sodium Hyboclorit hluê hnơ̆ng 10 ml êa drao hŏng 1 lĭt êa čiăng jing êa drao dưi mdjiê kman, amâodah êa mâo 0,05% clo mdjiê kman leh anăn amâodah êa mâo ƀiă êdi 70% kôl hlăm anăn. Knŏng tuh djăp yua hlăm sa hruê, mmông bi ktlah leh krih êa drao ƀiă êdi 10 mnĭt.

-Mdjiê kman tal êlâo hĭn hŏng klei sŭt, rao, yua găng ksu, čhiăm guôm ƀô̆ êjai ngă bruă bi doh, mdjiê kman.

-Dŭm anôk čhŏ čiăng dưi bi doh hŏng kƀu leh anăn êa êlâo kơ krih êa drao mdjiê kman.

-Mdjiê kman ƀiă êdi 1 blư̆ hlăm sa hruê dŭm anôk msĕ si: tur sang, mtih, jhưng mdhô̆, mơ̆ng yua, djăp anôk kreh kpăt ruêh leh anăn sang tlô.

-Mdjiê kman jêñ jêñ ƀiă êdi 2 blư̆ hlăm sa hruê dŭm anôk kpăt ruêh nanao msĕ si: boh kpăt ƀăng bhă, anôk dră kngan ti êñan, anôk gư̆ êñan măi, dŏ pŏk, mdjiê pui, jhưng kčoh măi tính, dŏ gư̆ mơ̆ng kbưi, đĭng blŭ yua mbĭt. Mdjiê hĕ dŭm kdrăp yua, dŏ pŏk, mdjiê pui êlâo kơ mdjiê kman, srăng yua tal êlâo hĭn kôl pioh mdjiê kman.

-Dăp ênŭm dŏ dưm djah mâo kđhăp kđăl, dưm ti anôk găl.

-Hrui êmiêt, mgaih msir djah djâo grăp hruê djŏ hŏng klei kčah mtrŭn.