Anôk mâo klei ruă jing hlăm sa boh adŭ lớp lá mrô 2, sang hră hđeh điêt Hoa Lan, ti alŭ Chiềng, să Ya Lôp, kdriêk Ea Sup. Phung hđeh mâo klei ruă êngoh hlơr, ruă đŏk, amâo mâo čiăng huă ƀơ̆ng, bi mƀlĕ hlăm ƀăng êgei, hlăm pla kngan, hlăm boh tluôn. Phung hđeh mâo klei ruă sang hră brei mdei, lehanăn brei amĭ ama hđeh ba hđeh kơ sang êa drao.

Leh hmư̆ hing anôk mâo klei ruă tưp anei. Sang êa dao kdriêk Ea Sup gĭt gai mtam sang êa drao să Ya Lôp bi hgŭm hŏng sang hră ksiêm mkă klei ruă, krih êa drao mdjiê kman hlăm sang hră, hlăm anôk hđeh dôk, mnơ̆ng hđeh hlăp. Tui si Dương Văn Hải, k’iăng khua anôk bruă ksiêm dlăng klei ruă kdriêk Ea Sup, truh tlam mbrue 2/4, êngao kơ 8 čô hđeh mâo klei ruă ti sang hră anei, hlăm să Ya Lôp lŏ ƀuh 1 čô hđeh mâo klei bi knăl mâo klei ruă anei mơh. Bruă čuăl krĭng, mkhư̆ klei ruă tưp, lehanăn ktrâo atăt bruă gang mkhư̆ klei ruă tưp hlăk mâo anôk bruă êa drao ngă hŏng klei mjêč./.