VOV4.Êđê- Hrue mbrue (24/7), Phŭn bruă mdrao mgŭn ngă leh klei bi kƀĭn online hŏng phung knhăk hlăm ala čar, lehanăn mơ̆ng ala tač êngao kơ klei ruă tưp čut kra. Klei bi kƀĭn mâo leh klei bi tŭ ư yap truh kơ hrue anei Việt Nam ka ƀuh ôh mnuih mâo klei ruă tưp anei. Siămdah, klei dôk hyưt mơ̆ng klei ruă tưp anei jing prŏng ênưih ñŭ kma hlăm ala čar drei, kyuadah ti lu ala čar mâo leh, lehanăn klei bi mjĕ êrô hŏng ala tač êngao jing êlan ênưih bi mtưp. Phŭn bruă mdrao mgŭn mâo leh hră mtrŭn mơĭt truh hŏng dŭm knơ̆ng bruă sang čư̆ êa djăp čar, ƀuôn prŏng hyuă kjăp bruă gang mkhư̆ klei tưp lar mơ̆ng klei ruă čut krah, mprăp kơ jih jang mnơ̆ng mnuă pioh kơ bruă mkă dlăng kman, mkă dlăng tơdah mâo mnuih ruă, lehanăn djăp boh sang êa drao mâo hdră kăp ksiêm mnuih đing boh nik mơ̆ng ƀăng jang knông lăn mtam, lehanăn mâo lu klei hâo hưn mtă mtăn kơ phung ƀuôn sang thâo săng kơ mta klei ruă tưp anei, lehanăn hdră gang mkhư̆ bi pral./.

Pô mblang: Y-Khem Niê