Năng mđing, lu phung hđeh nao đih mdrao hlăk klei ruă đĭ kơ ktrŏ kbiă hriê mơ̆ng klei amâo mđing mơ̆ng amĭ ama. Ti Adŭ mdrao klei ruă phung hđeh, Sang êa drao prŏng krĭng Lăn dap kngư, phung hđeh nao đih mdrao kyua klei ruă tian eh m’êa đĭ lu, boh nik hđeh gŭ 5 thŭn.

Mơ̆ng akŏ thŭn truh kơ ară anei, mâo hlăm brô 500 čô hđeh ruă hlăm êlan prôč tian nao ksiêm mkă dlăng lehanăn mdra. Dŭm hruê giăm anei, ênoh hđeh ruă tian eh m’êa đĭ lu, kah knar mơ̆ng 20 – 25 čô hđeh grăp hruê. Hŏng ênoh hđeh ruă tian eh m’êa ƀrư̆ hruê ƀrư̆ đĭ, jing sa klei hưn brei răng hŏng phung amĭ ama hlăm bruă hluê ngă dŭm hdră msir čăng gang mkhư̆ klei ruă tian eh m’êa ti phung hđeh, kyua anei jing mta phŭn dôk tal 2 ngă kơ lu phung hđeh gŭ 5 thŭn djiê./.