VOV4.Êđê - Tlam 7/6, Knơ̆ng bruă sang čư̆ êa čar Dak Lak mkŏ mjing Klei bi kƀĭn online hŏng dŭm alŭ wăl kñăm lač kơ hnơ̆ng tlŏ vaccin Covdi-19 ti čar. Yap truh ară anei, čar Dak Lak mă êbeh 3 êklăk 6 êtuh êbâo aruăt vaccin Covdi-19 dŭm mta, čar tlŏ leh kơ phung mơ̆ng 5 thŭn kơ dlông, hlăm anăn phung mơ̆ng 12 thŭn kơ dlông tlŏ ênŭm dua aruăt mâo giăm 96% leh anăn 26% aruăt tal 1 kơ phung mơ̆ng 5 truh 11 thŭn.

Dak Lak tlŏ aruăt tal 3, tal 4 kơ phung mơ̆ng 18 thŭn kơ dlông ƀiădah amâo đei mâo lu ôh, aruăt tal 3 mâo 33%, hlăm anăn mâo 5 kdriêk ti gŭ 30%; aruăt tal 4 knŏng mâo 0,5%. Hŏng hnơ̆ng tlŏ vaccin êmưt msĕ si ară anei, Dak Lak adôk êbeh 73 êbâo 105 aruăt vaccin. Jing alŭ wăl hlăm êpul mâo ênoh tlŏ vaccin Covid-19 ƀiă hlăm kluôm ala. Čar Dak Lak gĭt gai dŭm alŭ wăl lŏ dơ̆ng ngă hdră tlŏ vaccin Covid-19 djăp hnơ̆ng kčah, mtă kơ dŭm anôk bruă, êpul bruă bi hmô, ba anăp hlăm bruă tlŏ vaccin…

H’ Zawut pô mblang