VOV4.Êđê - Mơ̆ng akŏ thŭn truh kơ ară anei, čar Dak Lak mâo 710 čô mnuih djŏ klei ruă êngoh bi ƀlĕ êrah hŏng 20 anôk bluh mâo klei ruă. Dŭm anôk bruă djŏ tuôm dôk mjêč pŏk ngă dŭm hdră msir čiăng bi hrŏ klei bluh đĭ mơ̆ng klei ruă êngoh bi ƀlĕ êrah. Hlăm ênoh 710 čô ruă, knŏng tĭng mơ̆ng akŏ mlan 6 truh kơ ară anei, mâo leh 388 čô ruă.

Klei ruă êngoh bi ƀlĕ êrah mâo ti 16 kdriêk, wăl kragh, ƀuôn prŏng, hlăm anăn, kdriêk Êa Sup mâo lu êdi mnuih ruă hŏng 195 čô. Knŏng hlăm hruê kăm êgao, ênoh mnuih ruă êngoh bi ƀlĕ êrah đĭ pral ti alŭ wăl, truh 63% mkă hŏng wưng anei thŭn êlâo. Đăo knăl hlăm wưng ti anăp, ênoh mnuih ruă êngoh bi ƀlĕ êrah srăng đĭ lu tơdah mnuih ƀuôn sang amâo mđi klei thâo săng hlăm hdră gang mkhư̆ klei ruă./.

            H’Nêc pô mblang