Hdră anei mơ̆ng anôk bruă đru kčĕ mđĭ kyar yang ƀuôn (SCD), dôk hlăm Phŭn bruă kreh knhâo leh anăn mrâo mrang bi mguôp hŏng sang êa drao mdrao kơ ksŏ čar Dak Lak mkŏ mjing mơ̆ng hruê 9/11 truh kơ jih hruê 15/11. Ară anei, hnơ̆ng mnuih mâo klei ruă hnak ti čar Dak Lak ăt dôk lu êdi, dôk ti hnơ̆ng 170 čô / 100.000 čô mnuih ƀuôn sang, dôk mâo lu mnuih mâo klei ruă hnak hlăm yang ƀuôn ƀiădah ka hmao ƀuh leh anăn mdrao mgŭn.

Dhar bruă mdrao mgŭn čar Dak Lak mđĭ hĭn leh bruă ksiêm mkă hrŏng leh anăn mdrao mgŭn klei ruă hnak hlăm yang ƀuôn. Hlăm gưl anei, anôk bruă đru kčĕ mđĭ kyar yang ƀuôn (SCD), đru kơ bruă ksiêm mkă hrŏng ti 6 să hlăm kdriêk Ea H’Leo hlăm 6 hruê, ênoh mnuih hlăm brô 2.700 čô, jih jang dưi mă rup X-Quang, tơdah hmao ƀuh mâo klei ruă srăng mă êa k’hak mkă dlăng leh anăn tơdah mâo klei ruă srăng dưi mdrao mtam.