VOV4.Êđê - Kñăm rơ̆ng klei suaih pral kơ hđeh sang hră, Dhar bruă mtô mjuăt bi hriăm čar Dak Lak dôk hluê ngă lu hdră êlan kñăm rơ̆ng klei doh mnơ̆ng ƀơ̆ng huă ti dŭm anôk bruă mtô mjuăt bi hriăm. Čar Dak Lak ară anei mâo hlăm brô 50.000 čô hđeh huă ƀơ̆ng ti sang hră hlăm êbeh 180 boh sang hră. Mơ̆ng akŏ wưng thŭn hriăm, knơ̆ng bruă mtô mjuăt bi hriăm mâo leh hră mtrŭn kơ dŭm sang hră, anôk bruă mtô mjuăt mâo sang huă ƀơ̆ng, mđĭ hĭn klei ksiêm dlăng klei doh mnơ̆ng ƀơ̆ng huă.

Sang huă ƀơ̆ng ti dŭm sang hră srăng rŭ mdơ̆ng mâo klei êđăp, mâo klei, mâo ƀăng bhă rưng gang êruê, kêč… Knơ̆ng bruă ăt bi mguôp hŏng bruă mdrao mgŭn ksiêm dlăng bruă hluê ngă dŭm hdră bhiăn hlăm klei doh mnơ̆ng ƀơ̆ng huă hlăm dŭm boh sang hră. Dŭm sang hră mâo sang huă ƀơ̆ng kơ hđeh sang hră srăng mâo bruă mdrao mgŭn tŭ yap, bi klă klei doh mnơ̆ng ƀơ̆ng huă.

Y-Ƀel pô mblang