Dhar bruă mdrao mgŭn mĭn tĭng srăng ba jao Anôk bruă mdrao mgŭn mkă kơ bruă sang čư êa dŭm kdriêk, wăl krah, ƀuôn prŏng čiăng đru mgaih msir boh klei anei. Hluê si knơ̆ng bruă mdrao mgŭn čar Dak Lak, kluôm čar dôk kƀah êbeh 1.700 čô mă bruă mdrao mgŭn leh anăn knŏng mâo ti hnơ̆ng 7,15 êa mdrao hlăm 1000 čô mnuih ƀuôn sang mkă hŏng klei čuăn jing 8 čô aê mdrao hlăm 1000 čô mnuih ƀuôn sang.

Klei êngao hnơ̆ng ti dŭm sang êa drao dôk mâo ti lu anôk bruă mdrao mgŭn čar, hŏng hnơ̆ng yua hjưng đih mơ̆ng 110% truh kơ 130%. Čiăng mgaih msir boh klei anei, Dhar bruă mdrao mgŭn mĭn tĭng srăng ba jao Anôk bruă mdrao mgŭn mkă kơ alŭ wăl klă anăp kriê dlăng, duh bi liê. Dhar bruă mdrao mgŭn ăt dôk mkŏ mjing hdră yua aê mdrao mơ̆ng tač nao mkă dlăng, mdrao klei ruă ti dŭm sang êa drao knŭk kna leh anăn tla prăk djŏ ênoh kơ diñu./.