VOV4.Êđê- Sang êa drao Sang hră gưl prŏng Ƀuôn Ama Thuôt bi hgŭm hŏng Knơ̆ng bruă Gene Solutions mkŏ mjing klei bi kƀĭn hŏng phung čih klei mrâo hưn mthâo hdră ksiêm hriăm gen đru thâo ƀuh klei ruă brŭ. Anei jing sa kdrêč mơ̆ng hdră bruă êpul êya “Kyua sa Việt Nam amâo mâo klei rŭng răng kơ klei ruă brŭ” mơ̆ng Gene Solutions 30 dôk hlue ngă.

30 čô mnuih hlăm êpul jing phung ênưih mâo klei ruă brŭ ti Dak lak srăng dưi ksiêm mkă amâo tla prăk hŏng hdră anei. Sang êa drao Sang hră gưl prŏng Ƀuôn Ama Thuôt hrăm mbĭt hŏng Knơ̆ng bruă Gene Solutions  hlăm hdră bruă kơ êpul êya “Kyua sa Việt Nam amâo mâo klei rŭng răng kơ klei ruă brŭ”. Hdră bruă yua kdrăp SPOT – MAS čiăng ksiêm hriăm kơ gen. Anei jing kdrăp ksiêm mkă 5 mta klei ruă brŭ mâo lu hĭn ară anei jing ksŏ, ksâo, tiê, prôč leh anăn êhŭng hlăk mphŭn mâo hlăm sa blư̆ mă mta êrah leh anăn brei klei tŭ hnưm hĭn./.

Pô mblang: H’Zawut Ƀuôn Yă