Mlan ngă bruă mkŏ mjing mơ̆ng hruê 15/4 truh 15/5/2023 hŏng akŏ “Rơ̆ng djăp, doh êƀăt mnơ̆ng ƀơ̆ng hlăm boh klei mrâo”.

Hlue anăn, kluôm čar srăng mđĭ ktang bruă hâo hưn, mtô mblang mđĭ klei thâo săng, bi mklă bruă klam leh anăn klei ngă mơ̆ng dŭm gưl bruă đảng, knuă druh, đảng viên leh anăn mnuih ƀuôn sang hlăm ƀuôn rơ̆ng êđăp ênang, doh êƀăt mnơ̆ng ƀơ̆ng; mđĭ bruă klam mơ̆ng dŭm êpul bruă, phung duh mkra hlăm klei hlue ngă Hdră bhiăn kơ klei doh êƀăt mnơ̆ng ƀơ̆ng; mđĭ ksiêm dlăng  bruă doh êƀăt mnơ̆ng ƀơ̆ng, gĭr bi kdơ̆ng, mkhư̆, msir mgaih bi kjăp dŭm êpul bruă, anôk bruă mkra mjing mnia blei kơ hnơ̆ng kčah kơ klei doh êƀăt mnơ̆ng ƀơ̆ng; mđĭ klei dưi gang mkhư̆, msir mgaih klei djŏ ƀơ̆ng mta bruă leh anăn dŭm klei ruă tưp mơ̆ng mnơ̆ng ƀơ̆ng, bi hrŏ klei djŏ mta ruă. Thŭn 2022, kluôm čar Dak Lak mâo 3 klei djŏ ƀơ̆ng mta bruă hŏng 18 čô mnuih ruă, hlăm anăn 10 čô nao đih mdrao, amâo mâo ôh mnuih djiê./.