VOV4.Êđê - Hlue si Anôk bruă ktuê dlăng klei ruă čar Dak Lak, ti čar mrâo mâo thiăm sa čô mnuih djiê kyua Covid-19. Anei jing mnuih tal 2 ti Dak Lak djiê kyua Covid-19 hlăm mlan 10 anei. Mnuih ruă kkiêng thŭn 1932, ti alŭ Bắc Trung, să Ea Tân, kdriêk Krông H’Năng.

Êlâo anăm, hruê 3/10, mnuih ruă ti sang êmăn, êngoh, mtŭk lu anăn lŏ nao ksiêm mkă ti Anôk bruă mdrao mgŭn Krông H’Nang, klei tŭ ksiêm mkă pral djŏ kman SARS-CoV-2. Ăt hlăm hruê, mnuih ruă dưi ba mdrao ti Anôk mdrao kơ Covid-19 ti sang êa drao krĭng Lăn Dap Kngư. Leh 10 hruê mdrao, ƀiădah kyua khua thŭn hŏng klei ruă êbuh đĭ hđăp, amâo djăp êrah leh anăn ka tlŏ vaccin Covid-19 anăn pô anei djiê leh./.

VOV TâyNguyên/ Pô mblang: H’ Zawut Byă