Ti  sang êa drao krĭng Lăn Dap Kngư hŏng klei đăo knăl jing klei ruă hlăm êrah, klei ruă lu mta hlăm asei mlei, klei ruă jơ̆ng kngan ƀăng êgei hnơ̆ng IV, ktuê dlăng klei ruă kboh. Hđeh anăn jing hđeh êkei kkiêng thŭn 2022, ti alŭ 1, ƀuôn hgŭm Thiện An, Wăl krah Buôn Hồ. Anei jing mnuih tal êlâo djiê kyua klei ruă jơ̆ng kngan ƀăng êgei ti Dak Lak hlăm thŭn anei.

Mơ̆ng akŏ thŭn anei, kluôm čar mâo 76 čô mâo klei ruă jơ̆ng kngan ƀăng êgei, ti dŭm kdriêk, wăl krah, ƀuôn prŏng. Ară anei. Dak Lak dôk mŭt hlăm yan hjan, jing klei găl kơ klei ruă jơ̆ng kngan ƀăng êgei leh anăn lu mta klei ruă bluh mâo, tưp lar. Tơdah amâo thâo ƀuh leh anăn mdrao mgŭn, klei ruă jơ̆ng kngan ƀăng êgei srăng truh kjham, huĭ hđeh djiê.