Aê mdrao Trần Duy Dũng, K’iăng Khua Sang êa drao prŏng čar Dak Nông brei thâo, klei kƀah kdrăp mdrao mgŭn ti sang êa drao mâo mơ̆ng thŭn 2022 truh ară anei. Hlăm anăn, găng kngan doh, đĭng mbŏ êa drao, dhŏng bliah, êa drao pĭt… jing dŭm mta mnơ̆ng khăng kƀah.

Kơ mta phŭn ba klei kƀah kdrăp mdrao mgŭn, aê mdrao Dũng lač, kyua bruă blei, bi lông blei mâo lu klei dleh dlan leh anăn klei kpăk hun dŭm hdră mkăp leh wưng hmăi mơ̆ng Covid-19. Thŭn 2022, sang êa drao ngă 15 hdră blei kdrăp mnơ̆ng mdrao mgŭn mâo ênoh 38 êklai prăk, ƀiădah knŏng mâo 5 hdră hŏng ênoh hlăm brô 10 êklai prăk dưi hlue ngă tŭ jing. Kyua anăn, aê mdrao Trần Duy Dũng akâo kơ Knơ̆ng bruă mdrao mgŭn čar Dak Nông ngă anôk phŭn, blei sa anôk, mơ̆ng anăn bi hrŏ klei ktrŏ kơ phung knuă druh, phung mă bruă ti dŭm anôk mdrao mgŭn.

.