Daknông hlăk mđĭ hĭn djăp bruă gang mkhư̆ klei ruă êngoh bi pƀlĕ êrah. Klei ruă anei mâo leh ti jih jang 71 boh să, ƀuôn hgŭm, wăl krah hlăm čar Daknông. Hlăm anăn kdriêk Dakmil, Čư̆ Jŭt, Daksong, lehanăn ƀuôn prŏng Gia Nghiã jing mâo lu hĭn.

Tui si huỳnh Thanh Huynh, k'iăng khua knơ̆ng bruă mdrao mgŭn čar Daknông lač, klei ruă tưp anei dôk dleh dưi ksiêm dlăng, mâo hrue kăm mnuih ruă đĭ truh 170 čô mnuih ruă. Čiăng dưi gang mkhư̆ jih klei ruă tưp anei, anôk bruă mdrao mgŭn mđĭ hĭn bruă hâo hưn mtô mblang čiăng kơ jih jang mnuih mâo klei thâo săng, iêo mthưr jih jang êpul bruă, bruă sang čư̆ êa mtrŭt mjhar phung ƀuôn sang nao bi mdoh wăl hdĭp mda, mdjiê hluăt lŏk, kêč ƀloh./.