VOV4.Êđê- Hluê si Knơ̆ng bruă mdrao mgŭn Dak Nông, tĭng mơ̆ng 6h aguah hruê 1/3 truh kơ 6h hruê 2/3, kluôm čar mâo 1391 čô ruă Covid 19, mđĭ ênoh mnuih ruă mơ̆ng čar truh 18.236 čô. Hlăm anăn lu mnuih ruă hlao leh, mâo 39 čô djiê; ară anei Dak Nông mâo giăm 4.400 F0 dôk mdrao ti sang, 606 čô dôk mdrao ti anôk mdrao mgŭn. Knŏng ti Gia Nghĩa hlăm 1 hruê kăm êgao mâo leh êbeh 1400 F0, truh 1/4 ênoh mnuih ruă hlăm čar.

Tỉ anăp klei mâo dleh dưi ksiêm dlăng mơ̆ng klei ruă Covid 19, Anôk bruă sang čư̆ êa ƀuôn prŏng Gia Nghĩa mâo leh hră m’ar ksiêk kjăp hdră bruă mnia mblei ti alŭ wăl. Anôk bruă klei đăo amâo dưi dôk bi nghi, bi kƀĭn êgao 10 čô hlăm sa wăl anôk. Bruă mkŏ mjing hdră bi kƀĭn lu mnuih hlăm sang, nah êngao brei rơ̆ng jih jang mnuih tlŏ ênŭm 2 aruăt vaccine amâo dah hlao leh klei ruă Covid 19 hlăm brô 6 mlan lehanăn hluê ngă kjăp 5 Asăp mtă./.

Pô mblang: H’Nêč Êñuôl