Daklak ăt ka dưi blei mprăp mơh kdrăp mdrao mgŭn tui si hdră mtrŭn mrô 30 lehanăn mrô 07
Thứ năm, 10:11, 23/03/2023
VOV Tây Nguyên
VOV Tây Nguyên
VOV4.Êđê- Nguyễn Đại Phong, Khua kiă kriê sang êa drao prŏng Krĭng Lăn Dap Kngư, ti Daklak brei thâo, êjai ară anei, Sang êa drao ăt ka dưi blei mprăp mơh êa drao, kdrăp mdrao mgŭn tui si hdră mtrŭn mrô 30 lehanăn hdră mtrŭn mrô 07 kyua adôk lu klei gun kpăk hlăm bruă ruah pô blei.
Mblang kơ klei anei, Nguyễn Đại Phong lač, hdră mtrŭn 30 lehanăn 07 mâo mkŏ mjing, amâo mâo djŏ ôh jing jih jang dŭm anôk bruă mdrao mgŭn dưi hlŏng ngă hĕ mtam bruă blei mprăp êa drao lehanăn kdrăp mdrao mgŭn lehanăn lŏ ngă bruă ruah pô blei msĕ si yăng đar mơh. Bruă mkŏ mjing klei ruah pô blei jing mơ̆ng 4 - 6 mlan.
Mbĭt hŏng anăn, kyua jih jang kdrăp mdrao mgŭn jing mnơ̆ng blei mơ̆ng ala tač êngao, êjai anăn bruă anei kruh leh kyua hmăi amâo mâo jăk mơ̆ng klei ruă tưp, lehanăn klei bi blah, kyuanăn khă dah mâo klei ruh mgaih hdră êlan ngă bruă, ƀiădah ăt ka dưi blei mơh./.
Viết bình luận