Boh nik, jing mdrao mgŭn tŭ jum mnuih ruă, ksiêm dlăng gang mkhư̆ klei tp lar, bi mdoh wăl hdĭp mda, ksiêm dlăng kjăp anôk mâo klei ruă tưp. Mơ̆ng akŏ thŭn truh kơ ară anei, Daklak mâo leh 5 anôk bluh mâo klei ruă tưp jơ̆ng kngan ƀăng êgei, lehanăn hŏng hlăm brô 700 čô mnuih ruă hlăm lu alŭ wăl; 26 čô mnuih bi čut, lehanăn giăm 600 čô mnuih mâo klei ruă êngoh bi ƀlĕ êrah, đĭ hĭn mkă hŏng wưng anei thŭn dih. 

Anôk bruă kiă kriê klei ruă čar Daklak mkŏ mjing leh êpul ksiêm dlăng, lehanăn ktrâo atăt hâo hưn mnuih ƀuôn sang, mđĭ klei thâo săng gang mkhư̆ klei ruă tưp, mbĭt anăn krih êa drao mdjiê kman hlăm wăl hdĭp mda./.