Hâo mdah ti anôk bi kƀĭn, pô bi ala knơ̆ng bruă mdrao mgŭn čar Daklak brei thâo, yap mơ̆ng akŏ thŭn truh kơ ară anei, kluôm čar mâo 85 čô mnuih djŏ klei ruă tưp COVID - 19, lu jing ti ƀuôn prŏng Buôn Ama Thuôt mâo 33 čô.

Kñăm čiăng bi hrŏ ƀiă hĭn klei tưp lar hlăm dŭm hrue knăm, knơ̆ng bruă rang čư̆ êa čar mtă leh kơ knơ̆ng bruă mdrao mgŭn lŏ ksiêm wĭt jih jang kdrăp mdrao mgŭn hlăm djăp boh sang êa drao, lŏ hyua kjăp bruă tlŏ vaccine gang mkhư̆ klei ruă COVID-19, hlăm anăn tlŏ mgang tal êlâo kơ mnuih khua thŭn, mnuih mâo leh klei ruă êlâo, lehanăn phung hđeh, bi mguôp hŏng dŭm knơ̆ng dhar bruă, alŭ wăl lŏ trŭn kơ bruă mdrơ̆ng hŏng klei ruă tưp, hlue ngă bruă truă čhiăm guôm ƀô̆ lehanăn mdjiê kman, boh nik hlăm dŭm anôk lu mnuih, ti mbah anôk lu mnuih, tač êdeh phiơr, kdrŭn êdeh./.