Yap mơ̆ng akŏ thŭn truh kơ ară anei mâo leh truh 280 čô mnuih mâo klei ruă êngoh bi ƀlĕ êrah, hlăm anăn mâo 3 čô đuĕ nao kjham. Mkă hŏng mlan êlâo đĭ hĭn truh 40 čô mnuih lehanăn mâo 3 bĭt jing anôk bluh đĭ klei ruă jing ti dŭm kdriêk Ƀuôn Đon, Krông Hnang lehanăn Krông Ana.

  Čiăng bi mâo hdră gang mkhư̆ bi jăk, amâo mâo lui klei ruă tưp bluh đĭ prŏng, anôk bruă kiă kriê klei ruă čar Daklak gĭt gai leh dŭm anôk bruă êpul êya ksiêm dlăng kjăp kñăm hmao ƀuh bi pral lehanăn gang mkhư̆ klei ruă tưp hlăm yang ƀuôn, mdjiê kêč ƀloh. Mbĭt anăn mâo bruă hâo hưn mtă mtăn kơ jih jang mnuih mâo hdră bi mdoh wăl hdĭp mda, mdjiê hluăt lŏk, kêč ƀloh, răng mgang jih jang mnuih hlăm sang pô lehanăn hlăm yang ƀuôn./.