VOV4.Êđê- Hlăm wưng giăm anei, grăp hrue čar Daklak mâo êbeh 2 êbâo čô mnuih djŏ klei ruă tưp Covid 19 ti jih jang hlăm 15 boh kdriêk, wăl krah, ƀuôn prŏng. Hjăn ƀuôn prŏng Ƀuôn Ama Thuôt jing alŭ wăl mâo ênoh mnuih djŏ klei ruă tưp lu hĭn hlăm čar, grăp hrue mâo êbeh 1 êbâo čô mnuih ruă hlăm yang ƀuôn. Lu mnuih ruă mơ̆ng 18 thŭn truh 45 thŭn, ênoh hđeh mơ̆ng mrâo kkiêng truh 11 thŭn jing giăm 19%.

 Ti anăp klei ruă tưp dleh dlan snei, ênoh tưp đĭ nanao hlăm dŭm hrue êgao, čar Daklak gĭt gai leh dŭm anôk mdrao mgŭn kdriêk lŏ pŏk mlar anôk mdrao mgŭn klei ruă tưp, mkŏ mjing anôk mdrao mnuih ruă kjham ti alŭ wăl sang E mơ̆ng sang êa drao prŏng krĭng Lăn Dap Kngư. Hjăn ƀuôn prŏng Ƀuôn Ama Thuôt lŏ tiŏ nao mnuih ngă bruă hlăm dŭm boh sang êa drao să, ƀuôn hgŭm čiăng đru bi dlăng kriê mnuih ruă dôk mdrao kơ sang./.

Pô mblang: Y-Ƀel Êban