VOV4.Êđê- Aê mdrao Hoàng Hải Phúc, k’iăng khua kiă kriê anôk bruă ksiêm dlăng klei ruă čar Daklak brei thâo, bruă mdrơ̆ng hŏng klei ruă tưp êngoh bi ƀlĕ êrah hlăm čar Daklak tuôm hŏng lu klei dleh dlan, kyua amâo mâo djăp ôh êa drao pioh krih mdjiê kman hlăm dŭm anôk mâo klei ruă tưp. Hlăm hrue kăm êgao, čar Daklak lŏ dơ̆ng mâo truh 8 anôk mâo klei ruă tưp êngoh bi ƀlĕ êrah ti kdriêk Lăk, mđĭ ênoh anôk mâo klei ruă tưp anei hlăm čar êbeh 40 anôk, hŏng êbeh 1 êbâo čô mnuih ruă. Tui si Hoàng Hải Phúc, hŏng dŭm anôk mâo mrâo dôk čiăng kơ sa ênoh prŏng êa drao krih mdjiê kman. Siămdah, ară anei anôk bruă amâo lŏ djăp ôh êa drao, dhar bruă mdrao mgŭn čiăng kơ jih jang djăp êpul êya, bruă sang čư̆ êa djăp alŭ wăl, boh nik hlăm phung ƀuôn sang mâo klei thâo săng kơ bruă bi mdoh wăl hdĭp mda, bi mdjiê hluăt lŏk, kêč ƀloh./.

Pô mblang: Y-Khem Niê