Lê Phúc, K’iăng khua kiă kriê anôk bruă ksiêm dlăng klei ruă čar Daklak brei thâo, dŭm mlan akŏ thŭn 2023, ngă klei tlŏ mgang pŏk mlar kơ phung hđeh dôk tuôm hŏng klei dleh dlan, kyua kƀah vaccine, ngă leh kơ dŭm êbâo čô hđeh amâo mâo djăp ôh vaccine pioh tlŏ mgang. Hlăm ênoh 12 mta/êpul vaccine kơ klei tlŏ mgang kơ hđeh hlăm thŭn 2023 Dak Lak knŏng mrâo djăp tlŏ 2 mta vaccine êwiên êwu, lehanăn bi hrŭ aruăt ariêng, 2 mta vaccine 5 hlăm 1 lehanăn DPT (jing kơ klei ruă čuh kô̆ kŏng đŏk – mtŭk ƀhiêt) jih lkeh êa drao, ênoh adôk knŏng djăp tlŏ jih mlan 8 đuič.

 Tui si Lê Phúc, bruă kƀah vaccine anei srăng sui, anăp srăng jing anôk k’hư hlăm yang ƀuôn. Snăn čiăng mghaih msir klei kƀah vaccine anei, anôk bruă kiă kriê klei ruă čar bi klin leh jih jang ênoh vaccine mâo hlăm thŭn 2023 lehanăn 2024 čiăng lŏ akâo kơ knơ̆ng bruă sang čư̆ êa čar pral mâo hdră êlan blei êa drao./.