Hlăm dŭm thŭn êgao, klei myơr êrah ti čar Kon Tum mâo đru leh jăk kơ bruă dlăng kriê klei suaih pral mnuih ruă.

Hlăm thŭn 2022 kluôm čar msâo mkŏ mjing leh truh 34 gưl myơr êrah, dưi mâo mă truh 6.800 ênoh êrah doh, djăp êbeh 136% ênoh čuăn mơ̆ng Êpul kiă kriê gưl dlông bruă myơr êrah. Bruă anei mâo mkŏ mjing leh hlăm jih jang dŭm kdriêk, ƀuôn prŏng, klei anei hlŏng jing leh knhuah siam hlăm čar.

Lehanăn lmkŏ mjing kơ hdră thŭn anei bi mâo 1.500 čô mnuih nao myơr êrah nao kăp đru kơ mnuih ruă, lehanăn mkŏ mjing klei bi myơr êrah bi mâo mă truh 7.200 ênoh êrah doh mkăp kơ sang êa drao čar pioh mdrao mgŭn mnuih ruă.

Aguah 7/4, ti ƀuôn prŏng Ƀuôn Ama Thuôt, Anôk bruă mtrŭt mjhar myơr êrah čar Dak Lak mkŏ mjing hdră “Jih jang mnuih ƀuôn sang đru myơr êrag” thŭn 2023 hŏng akŏ “Myơr êrah - đru kơ klei hdĭp”. Hdră iêô jak êbeh 600 čô mă bruă jing knuă druh, mnuih mă bruă, êpul lĭng kahan nao myơr.

Mơ̆ng anăn mâo 459 ênoh êrah doh. Ayun H’Hương, Khua Êpul hgŭm gru bi kal hrah čar Dak Lak brei thâo, hlăm dŭm thŭn giăm anei, ênoh anôk bruă, sang mkra mjing, snag hră mkŏ mjing bruă myơr êrah ƀrư̆ hruê ƀrư̆ lu mơ̆ng dŭm knăm msĕ si Knăn mơak yan mnga, knăm kjuh hrah… Dŭm knăm mơak myơr êrah mjing leh klei găl kơ lu mnuih dưi đru mguôp ba klei dưi hdĭp kơ phung ruă dôk čiăng êrah. Hdră bruă bi hdơr 23 thŭn hruê jih jang mnuih ƀuôn sang myơr êrah jing gưl čiăng kơ hâo hưn mđĭ hdră kñăm, klei yuôm bhăn myơr êrah đru mnuih, lar bra hdră myơr êrah hlăm êpul êya.