VOV4.Êđê- Tui si klei hâo mdah hrue mbrue (4/8), mơ̆ng anôk bruă kiă kriê klei ruă CDC Daklak, hlăm čar lŏ dơ̆ng mâo sa čô mnuih djiê mơ̆ng klei ruă tưp êngoh bi ƀlĕ êrah. Anei jing mnuih tal dua djiê kyua klei ruă anei, Anăn gơ̆ V.V kkiêng thŭn 1968, dôk ti alŭ mrô 2, wăl krah Ƀuôn Trăp, kdriêk krông Ana, čar Daklak. Tui si găp djuê mnuih djiê, hrue 20/7 ggơ̆ đĭ êngoh hlơr, ruă êgah bŏ asei mlei mnăm leh êa drao amâo mâo nik ya mta ôh ti sang êa drao êngao knŭk kna, ƀuh amâo mâo lưh. Snăn hrue 23/7 ba kơ sang êa drao Thiện Hạnh, lehanăn mơ̆ng anăn lŏ ba kơ sang êa drao prŏng Krĭng Lăn Dap Kngư, mkă dlăng thâo jing mâo klei ruă êngoh bi ƀlĕ êrah ti hnơ̆ng 7 leh đuĕ nao kjham.

Truh 8h45 mnĭt mlam hrue anăn lŏ ba mnuih ruă anei kơ sang êa drao prŏng Chợ Rẫy, ƀuôn prŏng Hồ Chí Minh. Truh hrue 30/7, găp djuê akâo ba wĭt, lehanăn djiê ktuê êlan đuĕ wĭt. Yap truh hrue 3/8, hlăm čar Daklak mâo leh truh 2 êbâo 646 čô mnuih mâo klei ruă êngoh bi ƀlĕ êrah ti 15 boh kdriêk, wăl krah, ƀuôn prŏng./.

Pô mblang: Y-Khem Niê