Hlăm 3 mlan akŏ thŭn 2023, klei ruă tưp lŏ dơ̆ng mâo klei bi knăl dleh dưi ksiêm dlăng, mâo truh 29 mnuih djŏ klei ruă tưp COVID-19, klei ruă êngoh bi ƀlĕ êrah ăt mâo klei bi knăl đĭ mơh ti đa đa alŭ wăl. Ti anôk bi kƀĭn, phung bi ala lač, ară anei lu mta klei dleh dlan dôk găn hlăm tar rŏng lăn mơ̆ng klei ruă tưp, srăng ngă hmăi amâo mâo jăk prŏng kơ bruă răng mgang klei ruă tưp ti ala čar drei, hlăm anăn mâo čar Daklak.

Čiăng dưi ñĕ đuĕ mơ̆ng klei ruă tưp, lehanăn mâo klei thâo mdrơ̆ng jăk hlăm thŭn 2023, Daklak mâo leh ênoh čuăn bi hrŏ mơ̆ng 5-10% hnơ̆ng ênoh mnuih djŏ lehanăn djiê mơ̆ng klei ruă tưp, mkă hŏng kah knar wưng thŭn 2016-2022. Mkhư̆ bi pral, amâo mâo lui klei ruă tưp bluh đĭ prŏng./.