Anei jing mnuih djiê tal êlâo mơ̆ng klei ruă anei hlăm čar yap mơ̆ng akŏ thŭn truh kơ ară anei. Hđeh djiê jing mniê kkiêng thŭn 2016, ti wăl krah Ƀuôn Hô, čar Daklak tui si klei mkă dlăng gơ̆ truh kơ klei ruă kboh kjham, kbiă hriê mơ̆ng klei ruă êngoh bi ƀlĕ êrah hlŏng đuĕ nao kơ kjham.

Leh hmư̆ hing hđeh djiê mơ̆ng klei ruă êngoh bi ƀlĕ êrah anôk bruă răng mgang klei ruă tưp čar hưn mthâo mtam kơ anôk bruă răng mgang klei ruă ti wăl krah ƀuôn Hô, ktrâo atăt jih jang bruă nao ksiêm, bi mdoh wăl hdĭp mda, krih êa drao mdjiê kêč ƀloh. Lehanăn mtă mtăn kơ jih jang mnuih čŏng bi răng mgang asei mlei pô mdrơ̆ng hŏng klei ruă tưp êngoh bi ƀlĕ êrah mơ̆ng kêč Dengue.