VOV4.Êđê-  Tui si sang êa drao krĭng Lăn Dap Kngư hưn lŏ mâo sa čô mnuih djiê kyua klei ruă tưp êngoh bi ƀlĕ êrah. Jing mnuih tal 8 leh djiê mơ̆ng klei ruă anei hlăm thŭn anei ti čar Daklak. Mnuih djiê anei kkiêng thŭn 1988, ti alŭ mrô 5, să Hoà Lễ, kdriêk Krông Bông. Êlâo anăn, hrue 25/9 pô ruă anei đĭ êngoh hlơr čŏng mdrao hŏng êa drao bi lưh hlơr.

Mdjiê hluăt lŏk čiăng  mkhư̆ klei ruă êngoh bi ƀlĕ êrah

Truh hrue 28/9, truh ƀlĕ ô̆, êmăn lu, dưi ba kơ sang êa drao kdriêk. Truh kơ 9h mlam hrue anăn, lŏ ba kơ sang êa drao prŏng Lăn Dapkngư. Kyua kjham leh snăn mnuih ruă djiê hrue 30/9, tui si đăo knăl djŏ kman ngă jhat hlăm djăp anôk kbia hriê mơ̆ng kman Dengue hlăm 5 hrue ruă. Mơ̆ng akŏ thŭn kơ ară anei, hlăm čar Daklak mâo leh truh 6 êbâo 658 čô mnuih ruă klei ruă anei, hlăm anăn mâo 8 čô mnuih djiê./.

Pô mblang: Y-Khem Niê