Leh hmư̆ hưn mâo mnuih ruă, êpul bruă mdrao mgŭn nao bi mkă dlăng mnuih mâo klei ruă. Lehanăn ngă bruă krih êa drao mdjiê kman Chloramin B lehanăn mkăp êa drao ChloraminB kơ dŭm boh sang hră anôk mâo mnuih ruă mdjiê kman hlăm grăp hrue, mtô mblang ktrâo atăt mnuih ƀuôn sang hlăm să tlŏ vaccine bi ênŭm, bi tơdah mâo klei bi knăl mâo klei ruă, msĕ si êngoh hlơr bi đuh kplač čut snăn nao mtam kơ sang êa drao mdrao mgŭn bi hmao.

Tui si anôk bruă ksiêm kơ klei ruă tưp čar Daklak mơ̆ng akŏ thŭn truh kơ ară anei čar Daklak mâo leh truh 44 čô mnuih mâo klei ruă čut, djŏ hlăm dŭm kdriêk, ƀuôn prŏng. Ênoh mnuih ruă lu jing hđeh kgŭ 15 thŭn, kreh mâo lu klei bi mtưp hlăm sang hră hđeh điêt, sang rông hđeh./.